У Беларусі будуць захоўваць радыёактыўныя адкіды

Беларускія СМІ высьветлілі, што ўжо ідзе працэс распрацоўкі канцэпцыі праекту пункту пахаваньня радыеактыўных адкідаў, якія зьявяцца ў працэсе эксплюатацыі Беларускай АЭС. Гэта азначае, што небясьпечныя адкіды будуць захоўвацца ў Беларусі.

Інфармацыю распаўсюдзіў сайт Белэнэрга. На старонцы дзяржаўнага канцэрна зазначаецца, што цяпер вядуцца дасьледаваньні, неабходныя для ўзьвядзеньня пункту пахаваньня адкідаў, распрацоўваюцца рэкамэндацыі па стварэньні адзінай сыстэмы ахоўных барʼераў сховішча радыеактыўных адкідаў для забесьпячэньня іх бясьпечнага захаваньня.

Першы энэргаблёк Беларускай АЭС плянуецца запусьціць у 2019 годзе, другі — у 2020 годзе.

Паводле Радыё “Свабода”/юл