БРСМ аб'явіў фотаконкурс «Сэлфі & фота з вышыванкай»

Беларускі рэспубліканскі саюз моладзі аб'явіў фотаконкурс «Сэлфі & фота з вышыванкай».

Конкурсныя працы могуць быць прадстаўленыя ў дзьвюх катэгорыях: сэлфі й традыцыйнае фота. На конкурсе некалькі намінацый - «Фота малыша ў вышыванцы», «Фота ў офісе ў вышыванцы", "Мая сям'я ў вышыванцы», «Дзяўчыны ў вышыванцы», «Хлопцы ў вышыванцы», «Саюз моладзі ў вышыванцы».

У катэгорыі сэлфі ўдзельнічаюць фатаграфіі, апублікаваныя ў сетцы Instagram з хэштэгами #вышыванкі, #селфізвышыванкай, #родныятрадыцыі, #селфисвышыванкой, #родныетрадиции, #молодежьбеларуси.

Узнагароджаньне пераможцаў адбудзецца 2 ліпеня ў Менску падчас агульнарэспубліканскай акцыі "Дзень вышыванкі».

З поўнымі правіламі ўдзелу ў конкурсе можна азнаёміцца на сайце БРСМ.

naviny.by/