Дзесяць год за свастыку

Прыканцы лістапада 2016 года ў Беларусі быў затрыманы Канстанцін Бурыкін – бацюшка ў праваслаўным прыходзе вёскі Гатава пад Менскам, а таксама кіраўнік Фэдэрацыі паўэрліфтынга Беларусі.

На днях стала вядома, што затрыманаму выстаўлена абвінавачаньне. Сьледчы камітэт Беларусі паведаміў, што Канстанціну Бурыкіну выстаўлена абвінавачаньне па другой частцы 295 артыкула Крымінальнага кодэкса Беларусі – «незаконнае набыцьцё, захоўваньне, перавозка, выраб ці нашэньне агнястрэльнай зброі», а таксама па трэцяй частцы таго ж артыкула: «дзеяньні, прадугледжаныя другой часткай артыкула, якія ўчыненыя паўторна, альбо групай асобаў па папярэдняй змове».

Максымальная адказнасьць за гэтыя злачынствы да 10 гадоў пазбаўленьня волі з канфіскацыяй маёмасьці. Справа перададзеная ў пракуратуру для накіраваньня ў суд.

Паводле Наша Ніва/юл