Беларусь наршчвае таваразварот з Туркмэністанам

Беларусь мае намер нарасьціць тавараабарот з Туркмэністанам да 500 мільёнаў даляраў

Гэта вынік сёньняшняга пасяджэньня міжурадавай беларуска-туркмэнскай камісіі па эканамічным супрацоўніцтве.

Лічбу 500 мільёнаў даляраў агучыў сёньня намесьнік прэмʼер-міністра Беларусі Анатоль Калінін пасьля завяршэньня сустрэчы.

У 2016 годзе зьнешнегандлёвы абарот таварамі паміж Беларусьсю і Туркмэністанам перавысіў 120 мільёнаў, а разам з паслугамі склаў амаль 300. Сёньня бакі абмяркоўвалі новыя кропкі росту, паведаміў чыноўнік. Размова ішла пра пастаўкі ў Туркмэністан электрычных дызэль-цягнікоў зь Беларусі, пра нарошчваньне паставак мэдычнага абсталяваньня, лекаў, і прадукцыі беларускіх прамысловых брэндаў – МАЗ і МТЗ.

У сваю чаргу туркмэнская дэлегацыя выказала зацікаўленасьць праектамі Парка высокіх тэхналёгій ды налягала на пастаўках бавоўны ў Беларусь.

Па выніках сустрэчы бакі падпісалі плян працы ды дамовіліся пра правядзеньне наступнай міжурадавай камісіі ў Ашхабадзе.

Паводле Белта/юл