Ня тэрмін, але штраф: агучаны прысуд Вячаславу Касінераву

Вячаслава Касінерава, анархіста, які 12 сакавіка накінуў пятлю на помнік царскаму гарадавому, прысудзілі да штрафу – паведамляе газэта «Наша Ніва». Вячаслава вінавацілі ў хуліганстве, яму пагражала да 3 гадоў пазбаўленьня волі.

Вячаслаў Касінераў не адмаўляе, што накінуў вяроўку на скульптуру. Але віну не прызнаў, бо лічыць свае дзеяньні не хуліганствам, а «пэрформансам, накіраваным супраць міліцэйскага беззаконьня».

Пракурор Яўген Сердзюкоў прапанаваў асудзіць абвінавачанага на 2 гады «хатняй хіміі».

У апошнім слове Касінераў у чарговы раз паўтарыў, што ён не хуліган і сваімі дзеяньнямі не намерваўся ўьнішчыць скульптуру. Аднак судзьдзя Аляксандар Петраш усё роўна прызнаў Касінерава вінаватым у хуліганстве. Праўда, ён вырашыў, што пакараньне павінна быць не такім жорсткім і даў Вячаславу штраф памерам у 115 рублёў.

nn.by