Менскі гарадзкі суд пакінуў рашэнне ад арышце журналіста тэлеканала “Белсат” Аляксандра Баразенкі на 15 сутак у сіле.

Рашэньне аб арышце відэаапэратара тэлеканала «Белсат» 27 сакавіка вынесла судзьдзя суда Маскоўскага раёна Менска Тацьцяна Матыль.

Баразенка быў затрыманы 25 сакавіка ў цэнтры сталіцы падчас разгону АМАПам акцыі, прымеркаванай да Дня Волі. Міліцыя ўжыла ў яго дачыненьні артыкул 17.1 КаАП (дробнае хуліганства) - нібыта ён нецэнзурна лаяўся ў грамадзкім месцы. Баразенка віны не прызнаў.

Падчас допыту на судовым пасяджэньні Баразенка паведаміў, што 25 сакавіка «выконваў прафэсійныя абавязкі на масавай акцыі - вёў прамую трансляцыю акцыі, назіраў за разьвіцьцём падзей».

Суд задаволіў хадайніцтва Баразенкі пра прагляд запісу відэатрансляцыі, якую вёў журналіст. Як высьветлілася, Баразенка падчас акцыі маўчаў і падаў голас толькі падчас затрыманьня, калі прадстаўляўся.

Нягледзячы на гэта, судзьдзя Матыль прызнала журналіста вінаватым і прысудзіла да арышту.

Баразенка на знак пратэсту абвясьціў галадоўку.

naviny.by/яс