"Будаўніцтва БелАЭС гэта геапалітычны праект Расеі супраць Летувы"

"Будаўніцтва Беларускай АЭС зьяўляецца геапалітычным праектам Расеі, накіраваным супраць Летувы". Такое меркаваньне 23 лютага ў Вільнюсе выказала журналістам літоўскі прэзыдэнт Даля Грыбаўскайце, паведамляе балтыйскае інфармагенцтва BNS.

«Гэты праект – магчымасьць шантажаваць Летуву і аказваць на яе націск, перашкаджаць сынхранізацыі яе [энэргасыстэмы] з Захадам«.

Грыбаўскайце падкрэсьліла, што Летува павінна як мінімум патрабаваць ад Беларусі бясьпекі і празрыстасьці рэалізацыі яе ядзернай праграмы, а як максымум – усімі магчымымі спосабамі спыніць будаўніцтва Беларускай АЭС.

Яна дадала, што літоўскі бок павінен »зрабіць усё, каб праект Беларускай АЭС стаў эканамічна нявыгадным, каб яго прызналі небясьпечным і накіраваным супраць Летувы«.

БелаПАН/яс