“Беларусбанк” пачаў выдачу танных крэдытаў для чаргавікоў

Танныя крэдыты на будаўніцтва жыльля для маючых патрэбу 4 лютага пачаў выдаваць “Беларусбанк”. Тэрмін крэдыту - 15 гадоў. Раздаць плянуюць 10 мільёнаў рублёў - звычайным чаргавікам, і 10 - воінам-інтэрнацыяналістам.

У Менску ліміт - 50% ад вылучанай сумы - вычарпалі за два дні. Яшчэ 5 мільёнаў рублёў засталіся ў рэзэрве ў банку для воінаў-інтэрнацыяналістаў. У іх, нагадаем, ёсьць на гэта першачарговае права.
Ліміт “Беларусбанка” такі ж, як і ў мінулым годзе - 20 мільёнаў рублёў. У банку ўдакладняюць, што першачарговае права на атрыманьне такіх крэдытаў будуць мець вэтэраны, якія прымалі ўдзел у баявых дзеяньнях на тэрыторыі іншых дзяржаў.

Адсотак стаўкі прывязаны да стаўкі рэфінансаваньня (стандартная стаўка банку мінус ½ стаўкі рэфінансаваньня) і складзе 11,5% гадавых. Максымум, які можна пазычыць у банка, не павінен перавышаць 75% ад кошту жыльля. Для шматдзетных - 90%.
Банк плянуе выдаваць танныя крэдыты да таго часу, пакуль ня будзе вычарпаны ліміт выдзеленых сродкаў. Як паказала практыка, грошы пасьпяваюць узяць толькі тыя, у каго ўжо сабраны пакет дакумэнтаў.

tut.by/naviny.by/