У Магілёве мясцовы музэй адраджае традыцыйную батлейку

У Магілёве мастацкі музэй імя Масьленікава знаёміць наведнікаў з батлейкай. Старадаўні беларускі лялечны тэатар зьбірае немалую глядацкую аўдыторыю. Батлейка для музэю стала атрыбутам калядных сьвятаў. Пастаноўкі ў ёй ладзяцца на працягу апошніх чатырох гадоў. Акрамя звыклых для батлейкі біблейскіх сюжэтаў, тэатральная трупа з супрацоўнікаў музэю паказвае сцэнкі з жыцьця жыхароў Беларусі мінулых стагодзьдзяў.

Адзіная ацалелая батлейка з Падняпроўскага краю цяпер захоўваецца ў Санкт-Пецярбурскім этнаграфічным музэі народаў Расеі. Копію, зробленую для магілёўскага музэю, спачатку выстаўлялі як экспанат, а пазьней супрацоўнікі вырашылі яе «ажывіць». Гэтую батлейку і бачаць наведнікі музэю.

Радыё Свабода/нг