Рассельгаснагляд вярнуў у Беларусь 20 тон сыру

На пункце папярэдняга паведамленьня «Чырвоная горка» ў Смаленскай вобласьці забаронены ўвоз 18,9 тон беларускага сыру з-за адсутнасьці гарантый якасьці, гаворыцца ў паведамленьні ўпраўленьня Рассельгаснагляду па Бранскай і Смаленскай абласьцях.

Як вынікае з паведамленьня ведамства, груз сыру Gouda gold агульнай вагай 18,9 тоны, выраблены ААТ «Малочныя горкі», перавозіўся ў Краснадар і суправаджаўся вэтэрынарным сэртыфікатам, выдадзеным дзяржаўнай вэтэрынарнай службай Беларусі.

Аднак у дакумэнтах адсутнічалі некаторыя зьвесткі, у тым ліку пра партыю сыру, паказаныя на этыкетках і непасрэдна на галоўках сыру. Гэта змусіла расейскі бок завярнуць груз.

Нагляднае ведамства назвала гэта адсутнасьцю гарантый якасьці прадукцыі.

юл