Італьянцы запускаюць у Беларусі праект

Ініцыятарам праекту сталі італьянскія ротарыянцы з "Адда Ладыджана”.

Яны сабралі 100 тысяч эўра на праект раньняй дыягностыкі жаночага рака ў Гомельскай вобласьці. З беларускага боку праект каардынуе ротарыянскі клюб «Менск - Ратуша".

Сёньня арганізатары ладзяць аўкцыён у галерэі TUT.BY, каб сабраць яшчэ паўтары тысячы. Імпрэза пачнецца а 19.00, на ёй выстаўляюцца на продаж працы графікаў, жывапісцаў і фатографаў.

Rotary International - гэта міжнародная няўрадавая асацыяцыя, якая аб'ядноўвае ў клюбы больш за мільён чалавек. Яе заснаваў амэрыканскі масон Пол Харыс ў 1905 годзе. Сваёй асноўнай дзейнасьцю ротарыянцы называюць дабрачыннасьць.

Паводле tut.by/юл