Бранскі Рассельгаснагляд вярнуў у Беларусь 20 тон сухога малака

Бранскія спэцыялісты Рассельгаснагляду не прапусьцілі праз пункт „Красный Камень” 20 тон сухога малака, якое везьлі зь Беларусі. Адпраўшчыкам грузу значыўся Клецкі філіял ААТ „Слуцкі сыраробны камбінат”.

Як паведамляе прэс-служба расейскага ведамства, перавозка тавару была забароненая, „па прычыне немагчымасьці ідэнтыфікацыі грузу па суправаджальных дакумэнтах”.

Інспэктары Рассельгаснагляду пры аглядзе даступнай часткі грузу не змаглі знайсьці маркіровачных этыкетак. Груз быў вернуты ў Беларусь.

euroradio.fm/az