Зьміцер Дашкевіч падаў заяву на амапаўцаў

Зьміцер Дашкевіч падаў у Першамайскі РУУС Менска заяву пра тое, што яго зьбілі 7 лістапада падчас затрыманьня. Актывіст з паплечнікамі сарваў адкрыцьцё помніка Леніну каля Менскага трактаранага завода і быў затрыманы.

Пасьля выхаду зь міліцыі Дашкевіч распавёў, што зь ім жорстка абыходзіліся ў аўтобусе пасьля затрыманьня: сунуўшы пальцы ў нос, задзіралі яму галаву, а таксама тыкалі ў рот гумовай дубінкай.

У камэнтары Радыё "Свабода" Дашкевіч паведаміў, што заяву ў яго ўзялі без праблем і далі накіраваньне на судмэдэкспэртызу, каб зьняць пабоі.

euroradio.fm/яс