Уручаны ўзнагароды VI Кангрэсу дасьледчыкаў Беларусі

У Коўне завершыўся VІ Міжнародны кангрэс дасьледчыкаў Беларусі. Кульмінацыяй мерапрыемства традыцыйна была цырымонія ўручэньня прэмій за найлепшыя публікацыі на беларускую тэматыку.

Узнагароду за найлепшую гістарычную кнігу атрымаў гісторык зь Менска Аляксандр Груша за кнігу „Дакумэнтальная пісьмовасьць Вялікага Княства Літоўскага (канец XIV — першая траціна XVI ст.).

Узнагароду імя Зоры Кіпель за найлепшую кнігу ў галіне гуманітарных навук атрымаў Цімафей Авілін за кнігу ўнікальнай тэматыкі: „Паміж небам і зямлёй: этнаастраномія”.

Узнагароду за найлепшую кнігу ў галіне сацыяльна-палітычных навук атрымала дасьледчыца Вольга Кучынская. Яе манаграфія выйшла ў выдавецтве ўплывовага амэрыканскага ўнівэрсытэта.

Асобна былі ўганараваныя аўтары найлепшых артыкулаў.

Асаблівая ўзнагарода ў гэтым годзе — прэмія за найлепшую польскамоўную манаграфію на беларускую тэматыку. Яе атрымала — пры вялікім, шыкоўным выбары прэтэндэнтаў — этноляг Ганна Энгелькінг.

Сваю кнігу „Калхозьнікі. Антрапалягічнае дасьледаваньне тоеснасьці беларускай вёскі пералому ХХ і ХХІ стагодзьдзя” Энгелькінг пісала 20 гадоў, ажыцьцявіўшы дзясяткі паездак.

nn.by/аз