Прадстаўніцу апазыцыі прызначылі ў Палату прадстаўнікоў

Лідзія Ярмошына правяла дзіўную прэсавую канфэрэнцыю ў ноч з 11 на 12 верасьня.

Кіраўнік ЦВК паведаміла, што вылучаная ад Аб'яднанай грамадзянскай партыі Ганна Канапацкая нібыта перамагла на «выбарах» у «парлямент» па Кастрычніцкай акрузе ў Менску. Пра іншых кандыдатаў яна сказала: "Пра астатніх дадзеных не ведаю. Глядзіце ў інтэрнэце».

Сайт charter97.org нагадвае, што раней газета «Наша Нiва» паведаміла, што на ўчастку ў акрузе, дзе балятавалася раней нікому не вядомая Канапацкая, яўка склала ўсяго 25%. Калі журналіст гэта зафіксаваў, яго выдалілі з участку, а яўку пасьля гэтага завысілі ў 2 разы.

ЦВК аб'явіла выбары сапраўднымі, але незалежныя назіральнікі і прадстаўнікі апазыцыі сьцьвярджаюць, што яўка была ніжэйшая за 50%. Выбарнікі яўна гэтыя выбары праігнаравалі.

charter97.org/нг