ЦВК Беларусі не трымаецца заканадаўства

Назіраньне ажыцьцяўляюць актывісты Беларускага Хэльсінскага камітэту і праваабарончага цэнтру «Вясна» ў рамках кампаніі «Праваабаронцы за свабодныя выбары». Экспэрты знайшлі шэраг парушэньняў у хадзе выбарчай кампаніі з боку дзяржаўных структур.

Прыклад дае ЦВК. Цэнтральная выбарчая камісія зусім не публікуе зьвесткі з судовых разглядаў, што пярэчыць замацаванаму ў артыкуле 13 ВК прынцыпу адкрытасьці і галоснасьці выбараў. Рэгіянальныя выбарчыя камісіі не анансуюць час і месца правядзеньня сустрэч кандыдатаў з выбарцамі. Назіраюцца неаднаразовыя выпадкі перашкод у публікацыі агітацыйных матэрыялаў апазыцыйных кандыдатаў. Выбарчыя камісіі патрабуюць узгадніць зь імі зьмест матэрыялаў, што парушае выбарчае заканадаўства. Закон не прадугледжвае ўзгадненьня тэкстаў выбарчых друкаваных матэрыялаў і не накладае такі абавязак на кандыдатаў.

Адзіная станоўчая практыка – разьмяшчэньне судовых рашэньняў на сайтах судоў: абласных і менскага.

Паводле Вясна/юл