„Белавія” адкрыла рэйсы ў Львоў

Авіякампанія „Белавія” выканала першы рэйс па маршруце Менск - Львоў - Менск. Запаўняльнасьць першага рэйса ў Львоў склала практычна 100%, назад — крыху ніжэй. Цікава, што першым рэйсам з Львова ў Менск скарыстаўся мэр украінскага горада Андрэй Садовы - ён зьдзяйсьняе афіцыйны візыт у Менск.

Самалёт у Львоў лётае пяць разоў на тыдзень - па аўторках, серадах, чацьвяргах, пятніцах і суботах. Зь Менска борт вылятае ў 13:10, з Львова - у 15:20. Час у шляху - 1:20.

Кошт квітка ў абодва бакі з усімі зборамі - ад 120 эўра. Выконваць рэйс будзе бразільскі самалёт „Embraer 175” на 76 пасажыраў. У „Белавія” два такія самалёты - два гады таму іх купілі новымі.

kp.by/nn.by/аз