Намесьнік старшыні руху "За Свабоду" стаў кандыдатам у дэпутаты

Кандыдатам у дэпутаты зарэгістравалі намесьніка старшыні руху "За Свабоду" Юрася Губарэвіча. Ён балятуецца па Каліноўскай выбарчай акрузе Менска № 108.

"Пачынаем моцную агітацыйную кампанію, як толькі будзе зарэгістраваны выбарчы фонд, - цытуе словы Губарэвіча прэс-служба руху "За Свабоду". - У нас наперадзе цэлы месяц. Выбаршчыкі атрымаюць у маёй асобе годную альтэрнатыву праўладным кандыдатам".

Юрась Губарэвіч адзначыў, што па акрузе 2 з 7 прэтэндэнтаў не былі зарэгістраваныя, у тым ліку незалежны кандыдат Барыс Лесун.

"У выніку жэрэб’ёўкі мой выступ на радыё будзе 24 жніўня з 7 да 7.30 раніцы, на тэлебачаньні — 30 жніўня, у 19.10", — адзначыў Губарэвіч.

Рух "За свабоду"/ав