Купчына: Для назіральнікаў у Беларусі будуць створаныя ўсе ўмовы

Намесьнік міністра замежных спраў Беларусі Алена Купчына 5 жніўня сустрэлася з кіраўніком назіральнай місіі СНД, выканаўчым сакратаром Садружнасьці Сяргеем Лебедзевым. Пра гэта паведамляе прэс-служба МЗС Беларусі.

Бакі абмеркавалі ход бягучай выбарчай кампаніі ў Беларусі, а таксама шэраг пытаньняў, зьвязаных з арганізацыяй міжнароднага назіраньня.

Купчына запэўніла Лебедзева ў тым, што для дзейнасьці міжнародных назіральнікаў у Беларусі будуць створаныя ўсе неабходныя ўмовы.

Яна таксама пацьвердзіла зацікаўленасьць беларускага боку ў правядзеньні маючых адбыцца выбараў „у атмасфэры максымальнай транспарэнтнасьці і ў поўнай адпаведнасьці з нацыянальным заканадаўствам і міжнароднымі абавязацельствамі” Беларусі, адзначаецца ў паведамленьні.

belapan.com/аз