Як выглядае расфарбаваны для Wargaming самалёт «Белавія»

Яшчэ да афіцыйнай прэзэнтацыі ў Нацыянальным аэрапорце фота самалёта зьявілася на сайце planespotters.net. Здымак зроблены ля ангара ў чэскай Астраве, дзе лайнэр перафарбоўвалі. Як доўга лайнэр будзе насіць на сабе лягатып самай вядомай беларускай гульні, невядома. Не раскрываецца таксама, колькі распрацоўшчыкам World of Tanks каштавала такая рэкляма.

Новая ліўрэя самалётаў «Белавія» таксама будзе прадстаўленая неўзабаве. Ужо ў жніўні беларускі перавозчык атрымае два абсалютна новыя «Боінгі», расфарбаваныя ў новыя колеры кампаніі.

эўрарадыё/вс