Апублікаваны невядомы раней гістарычны дакумэнт

Апублікаваны невядомы дакумэнт пра перамовы савецкіх і польскіх партызан у 1943 г. Перамовы адбыліся ў вёсцы Багданавічы пад Слонімам. Савецкі бок прадстаўляў памочнік начальніка штаба брыгады імя Панамарэнкі лейтэнант Рыгін, польскі – паручнік Войцех Корчыц. Сустрэча адбылася ўжо пасьля таго, як у розных раёнах Заходняй Беларусі савецкія партызаны раззброілі шэраг польскіх партызанскіх груп ды атрадаў, а частку іх удзельнікаў расстралялі.

Лейтэнанта Рыгіна цікавіла, ці будуць палякі змагацца зь немцамі і як яны ставяцца да савецкіх партызанаў. Корчыц стараўся ўхіляцца ад прамых адказаў, адзначаў страты польскага падпольля ў выніку рэпрэсій. Таксама ён казаў пра паводзіны асобных савецкіх партызан-садыстаў у адносінах да польскага насельніцтва.

Дакумэнт пра сустрэчу партызан апублікавала краязнаўчае выданьне «Слонімскі край».

Хартыяʼ97/нг