На Беларусь NATO глядзіць як на сатэліта Расеі

Беларусь на саміце NATO разглядалася выключна як сатэліт Расеі. Калі Расея праявіць агрэсію супраць балтыйскіх дзяржаў, Лукашэнка аўтаматычна яе падтрымае – мяркуе кіраўнік беларускага Цэнтра стратэгічных і замежнапалітычных дастдледаваньняў Арсень Сівіцкі, які з групай беларускіх экспэртаў прысутнічаў на саміце ў якасьці незалежнага назіральніка.ю

“NATO разглядае Беларусь у якасьці вайскова-палітычнага хаўрусніка Расеі. Уважаецца, што, калі Расея праявіць агрэсію да балтыйскіх дзяржаў, то мы аўтаматычна яе падтрымаем», - сказаў Сівіцкі і дадаў, што паміж NATO і Беларусьсю самы нізкі з усіх постсавецкіх краін узровень супрацоўніцтва.

Таксама Сівіцкі дадаў, што ў Альянсе ўспрымаюць даволі скептычна нядаўнія заявы Уладзіміра Макея аб неабходнасці хутчэйшай арганізацыі дыялогу паміж Беларуссю і NATO.

На думку заходніх стратэгаў, самым імаверным сцэнаром канфлікту паміж Расеяй і NATO будзе гібрыдная вайна ў Балтыі. А для яе паспяховага вядзеньня, Расеі трэба кантраляваць тэрыторыю Беларусі, бо з яе тэрыторыі ствараць пагрозы нашмат прасьцей.

Наша Ніва/нг