1 ліпеня беларусы застануцца без паштовай сувязі

У пятніцу, 1 ліпеня, беларусы застануцца без паштовай сувязі. „Белпошта” папярэджвае пра асаблівасьці працы ў сувязі з дэнамінацыяй.

Прэс-служба прадпрыемства інфармуе, што 1 ліпеня „паслугі кліентам у апэрацыйных вокнах аддзяленьняў паштовай сувязі прадстаўляцца ня будуць”. Аднак газэты, часопісы, паштовыя адпраўленьні без накладзенага плацяжу будуць дастаўляцца грамадзянам.

2 ліпеня аддзяленьні паштовай сувязі будуць працаваць у звычайным рэжыме. Адзначаецца, што з 30 чэрвеня да 4 ліпеня магчымы збой у працы банкаўскіх плацёжных картак. Таму грамадзянам рэкамэндуюць мець пры сабе наяўныя грошы.

euroradio.fm/аз