"У КДБ няма падстаў выпускаць Чыжа"

Старшыня КДБ Валеры Вакульчык заявіў журналістам у Палаце прадстаўнікоў, што мера стрыманьня для бізнэсмэна Юрыя Чыжа мяняцца ня будзе.

Як сказаў Вакульчык, сьледзтва працягваецца, і там ёсьць шмат пытаньняў, таму няма нават блізка падстаў, каб адпусьціць яго пад падпіску аб нявыезьдзе. Ён таксама абверг інфармацыю пра тое, што бізнэсмэна ў СІЗА КДБ трымаюць у асаблівых умовах. «У нас да ўсіх аднолькавае стаўленьне. Усе роўныя перад законам», – сказаў кіраўнік КДБ.

Вакульчык дадаў, што працягваецца сьледзтва і ў дачыненьні да бізнэсоўца Яўгена Баскіна. Паводле ягоных слоў, Баскін яшчэ не кампэнсаваў шкоды.

tut.by/радыё рацыя/вс