У Беларусі забароняць курыць на прыпынках

У Беларусі забароняць курыць на прыпынках. Аб гэтым паведаміла сёньня журналістам намесьнік галоўнага доктара рэспубліканскага цэнтра гігіены, эпідэміялёгіі й грамадзкага здароўя Людміла Наройчык.

Міністэрства аховы здароўя ініцыяваў унясеньне зьмяненьняў у дэкрэт №28. „У праекце дэкрэта зьявіўся разьдзел, які кажа прa поўную забарону курэньня ў ліфтах, на дзіцячых пляцоўках, пляжах, прыпыначных пунктах”, - сказала Людміла Наройчык.

Раней у Менску ўжо была ўведзена забарона на курэньне на прыпынках, цяпер яна распаўсюдзіцца на ўсю краіну.

Акрамя таго, прапануецца ўвесьці забарону на курэньне ў закрытых памяшканьнях і аўтамабілях у прысутнасьці дзяцей да 14 гадоў.

Па дадзеных рэспубліканскага сацыялягічнага дасьледаваньня, праведзенага ў 2015 годзе, зьнізіўся працэнт распаўсюджанасьці курэньня сярод дарослага насельніцтва. У краіне курыць 27,9% насельніцтва ва ўзросьце 16 гадоў і старэйшыя.

belta.by/аз