Пачаўся другі этап бэатыфікацыі Эдварда Вайніловіча

10 красавіка папа Францішак абвясьціў на ўвесь сьвет пра ўшанаваньне Беларусі й беларускага народу ў асобе Эдварда Вайніловіча.

У менскім касьцёле сьвятых Сымона й Алены (Чырвоным касьцёле) распачаўся працэс бэатыфікацыі альбо прызнаньня сьвятым фундатара Чырвонага касьцёла Эдварда Вайніловіча — выбітнага грамадзкага і культурнага дзеяча, палітыка й патрыёта Беларусі.

Дзесяць гадоў таму намаганьнямі настаяцеля касьцёла, ксяндза Ўладыслава Завальнюка, парэшткі Эдварда Вайніловіча былі перапахаваныя ў скляпеньнях збудаванай фундатарам сьвятыні. Уладыслаў Завальнюк таксама быў адным з ініцыятараў працэсу бэатыфікацыі Эдварда Вайніловіча.

"Падчас урачыстай сьвятой імшы ў нядзелю, 10 красавіка, ксёндз- арцыбіскуп мітрапаліт менска-магілёўскі Тадэвуш Кандрусевіч урачыста абвесьцў, што Эдвард Вайніловіч — слуга Божы. Гэтым завяршаецца першая, інфармацыйная, частка бэатыфікацыйнага працэсу. Далей распачынаецца другая частка працэсу, якая мае мець знак: цуд. Гэта значыць, што ласка зь неба праз заступніцтва Эдварда Вайніловіча павінна быць бачнай на пэўным чалавеку — павінны быць зафіксаваны цуд аздараўленьня, выратаваньне ці штосьці іншае”, - патлумачыў айцец Завальнюк.

Бэатыфікацыйны працэс упершыню праходзіць у Беларусі.

svaboda.org/яс