У Беларусі кошт тэхагляду аўтамабіляў вырасьце на 18%

У Беларусі кошт тэхагляду аўтамабіляў вырасьце на 18%. Новыя тарыфы «Белтэхагляд» плянуе ўвесьці ў канцы лютага. На сайце ўнітарнага прадпрыемства адзначаецца, што гэта не датычыць станцый, якія яму не належаць, і не паўплывае на памер дзяржаўнай пошліны.

Павышэньне кошту тэхагляду тлумачыцца інфляцыяй у 2014-2016 гадах, ростам абавязковых плацяжоў і павышэньнем кошту энэргарэсурсаў. «Белтэхагляд» адзначае, што пры разьліку новых тарыфаў прымаўся да ўвагі ўзровень плацежаздольнага попыту насельніцтва й сацыяльны складнік.

Апошні раз у Беларусі тарыфы на тэхагляд павышаліся ў верасьні 2014 году.
Варта адзначыць, што з 230 станцый тэхагляду да «Белтэхагляду» адносіцца 21.

вс