За 2015 год дзярждоўг Беларусі вырас амаль на 67%

29 студзеня 2016 года Міністэрства фінансаў апублікавала зьвесткі па дынаміцы дзяржаўнага доўгу Беларусі ў мінулым годзе. Па стане на першага студзеня сукупны дзярждоўг склаў 328,6 трыльёна рублёў, што на 131,1 трыльёна, або на 66,4 працэнта больш, чым у пачатку 2015-га года.

Зьнешні дзярждоўг склаў 12,4 мільярда даляраў, ці 22,7 працэнта ад ВУП. За папярэднія дванаццаць месяцаў ён скараціўся на 113,9 мільёна даляраў, або на 1,1 працэнта. Унутраны дзярждоўг вырас на 49,1 трыльёна рублёў, або на 101,4 працэнта, і дасягнуў 97,4 трыльёна.

У мінулым годзе ўлады Беларусі прыцягнулі зьнешніх пазыкаў на 2,17 мільярда даляраў. Большая частка сродкаў паступіла ад Расеі (больш за 1,5 мільярда даляраў), банкаў Кітая (500 мільёнаў даляраў) і Міжнароднага банку рэканструкцыі й разьвіцьця (73 мільёны). Было выплачана замежным дзяржавам і арганізацыям 2,01 мільярда даляраў.

тэлеграф/вс