Чэмпіянат гарбаты пройдзе ў Менску

21 лютага ў Менску пройдзе Другі чэмпіянат гарбаты „Tea masters cup Belarus”, перадае БЕЛТА.

Падчас спаборніцтва прафэсіяналы й аматары падужаюцца ў майстэрстве запарваньня гарбаты, складаньні кампазыцыі гарбаты. Для наведвальнікаў арганізуюць розныя майстар-клясы, дэгустацыі, выставы, гульні ды конкурсы.

Галоўны прыз для пераможцы - паездка на міжнародны чэмпіянат гарбаты ў Рэспубліку Карэя сёлета ў чэрвені.

Чэмпіянат гарбаты аб'ядноўвае каля 10 краін, сярод якіх Летува, Латвія, Грузія, Расея, Украіна, Турцыя, Віетнам, Аўстралія. Беларусь далучылася да праекта ў 2015 годзе. Тады ў конкурсе прынялі ўдзел 14 чалавек, а наведалі яго больш за тысячу. Пераможцы ўдзельнічалі ў міжнародных спаборніцтвах у Турцыі й занялі прызавыя месцы.

euroradio.fm/belta.by/аз