У панядзелак прыйдзе сапраўдная зіма

У панядзелак, 28 сьнежня, на большай частцы тэрыторыі Беларусі пачнецца зіма, прагназуюць беларускія сыноптыкі.

Тэмпэратура паветра й ноччу, і днём будзе адмоўнай (у Менску чакаецца ад 3 да 5 градусаў марозу ноччу і ад 1 да 3 градусаў днём). Часам ападкі (сьнег, мокры сьнег).

Цёплае надворʼе захаваецца 28 сьнежня толькі ў заходніх раёнах краіны. У Горадні чакаецца 2-4, у Берасьці – да 7 градусаў вышэй за нуль.

З 29 сьнежня чакаецца ўзмацненьне маразоў: на большай частцы тэрыторыі краіны ў начныя гадзіны слупок тэрмомэтра апусьціцца да мінус 7–14 градусаў, 30 сьнежня – да мінус 15-17 градусаў.

Днём будзе 2-8 градусаў ніжэй за нуль.

белапан/белта/наша ніва/вс