СМІ: затрыманы экс-міністар гандлю

Сайт газэты «Комсомольская правда в Беларуси» паведаміў, што праваахоўнымі органамі затрыманы былы міністар гандлю Валянцін Чаканаў. Падрабязнасьці пакуль не паведамляюцца.

Як інфармуе «Наша Ніва», учора Валянцін Чаканаў быў адпраўлены ў адстаўку з пасады міністра, на якой ён адпрацаваў 6 гадоў. Нарадзіўся Чаканаў у Бабруйску ў 1957 годзе. Скончыў Інстытут народнай гаспадаркі, Інстытут паліталёгіі пры ЦК КПБ, Акадэмію кіраваньня пры прэзыдэнце.

Працаваў першым сакратаром Магілёўскага абкаму камсамолу, начальнікам упраўленьня гандлю Бабруйскага гарвыканкаму, у Кіраваньні справамі прэзыдэнта. Са жніўня 2003 году – генэральны дырэктар ААТ «Белбакалея». Ад 2009 быў міністрам гандлю.

вс