Самалёт „Белавія” зьдзейсьніў пазаплянавую пасадку

Самалёт авіякампаніі „Белавія” вярнуўся ў Нацыянальны аэрапорт Менск з-за паведамленьня кампутара аб адмове навігацыйнай сыстэмы пасажырскага самалёта маркі „Bombardier CRJ200”, паведамілі ў Менскім гарадзкім упраўленьні МНС.

Самалёт ляцеў зь Менска ў Тэгеран.

„Праз 25 хвілін пасьля ўзлёту з РУП „Нацыянальны аэрапорт Менск” было прынятае рашэньне аб вяртаньні й наступнай пасадцы на тэрыторыю аэрапорта. На борце самалёта знаходзіліся 17 пасажыраў і 4 члены экіпажа. У 23.31 самалёт пасьпяхова зрабіў пасадку”, - адзначаецца ў паведамленьні Менскага гарадзкога ўпраўленьня МНС.

belta.by/аз