Замест Сяргея Гайдукевіча на тэледэбаты пойдзе яго сын

Кандыдат у прэзыдэнты Сяргей Гайдукевіч ня будзе ўдзельнічаць у сёньняшніх тэледэбатах, якія адбудуцца вечарам 3 кастрычніка, і пасылае свайго сына. Алег Гайдукевіч зьяўляецца даверанай асобай старшыні Лібэральна-дэмакратычнай партыі.

Замест на тэлебачаньне Сяргей Гайдукевіч палічыў важнейшым масавы пікет і сустрэчу з выбаршчыкамі ў Гомелі. У перадвыбарчым штабе палітыка вырашылі, што выступ іх кандыдата на ТБ быў самым лепшым сярод кандыдытаў, таму «праводзіць спрэчкі ня мае ніякага сэнсу».

Такім чынам, у тэледэбатах будуць удзельнічаць толькі два кандыдаты на пасаду кіраўніка дзяржавы – Мікалай Улаховіч і Тацьцяна Караткевіч. Аляксандр Лукашэнка ня толькі адмовіўся ўдзельнічаць у тэледэбатах, але і ня выкарыстаў эфірны час выступленьняў па тэлебачаньні і радыё.

telegraf.by/яс