Сёньня ў Менску дзень скідак

У буйных унівэрмагах Менска сёньня, 29 жніўня, праводзіцца акцыя «Адзіны дзень скідак», паведамілі ў галоўным упраўленьні спажывецкага рынку Менгарвыканкама.
«Менскія ўнівэрмагі зьяўляюцца флягманамі па продажы тавараў айчыннай вытворчасьці. Адзіны дзень скідак праводзіцца з мэтай уцягваньня ў тавараабарот складзкіх запасаў гатовай прадукцыі прамысловасьці», – адзначылі ва ўпраўленьні.
Так, гандлёвы дом «На Нямізе» і ўнівэрмаг «Беларусь» устанавілі скідкі ў памеры 20% на ўсе нехарчовыя тавары, ГУМ – 20% на вопратку й трыкатажныя вырабы, ЦУМ – ад 15 да 30% на асобныя групы тавараў, «Кірмаш» – 15% на ўсе нехарчовыя тавары.

белапан/вс