Беларускія жаўнеры ўдзельнічаюць у міжнародных спаборніцтвах

У Разанскай вобласьці ў Расеі да 12 жніўня адбываюцца першыя міжнародныя Армейскія гульні - 2015. У спаборніцтвах бяруць удзел каманды з 17 краін сьвету, у іх ліку: Армэнія, Азэрбайджан, Беларусь, Вэнэсуэла, Эгіпэт, Нікарагуа, Пакістан і Сэрбія.

У конкурснай праграме: „Танкавы біятлён” і „Авіядарц”, на якім ужо разьбіўся верталёт.

Афіцыйнае адкрыцьцё гульняў адбылося 1 жніўня, аднак самі спаборніцтвы пачаліся 4-га. У дзень адкрыцьця конкурсу адбылося дэсантаваньне вайскоўцаў зь верталётаў Мі-8 з вышыні 600 мэтраў

У конкурсе выкарыстоўваюць два тыпы баявой тэхнікі й шэсьць тыпаў стралковай зброі, якія знаходзяцца на ўзбраеньні замежных арміяў. Спаборніцтвы праходзяць на 11 вайсковых палігонах на тэрыторыі Расеі.

Удзельнікі спаборнічаюць у 14 дысцыплінах. Акрамя саміх жаўнераў у Гульнях бяруць удзел і ваенныя кухары. Таксама пройдзе спаборніцтва паміж сапёрамі па разьмінаваньні палёў.

Армейскія гульні сталі першымі падобнага кшталту й з гэтага часу будуць штогадовыя.

svaboda.org/аз