Самалёт вярнуўся ў выніку бойкі беларусаў

Пасажыры самалёта з Каўнаса ў Алікантэ перажылі шок. Ледзь самалёт перасёк мяжу з Польшчай, як яму давялося разьвярнуцца і ляцець назад. Машына была вымушана вярнуцца ў Каўнас праз бойку на борце. Самалёт павінен быў пазбавіцца ад лішняга паліва, каб пасьпяхова зрабіць пасадку.

Канфлікт у самалёце разгарэўся паміж п’янымі сямейнікамі зь Беларусі. Муж з жонкай (яны ляцелі з двума малалетнімі дзецьмі) сталі лаяцца, разгарэўся не жартоўны канфлікт, таму экіпаж самалёта вырашыў вярнуцца.

Са слоў памежнікаў, з самалёта высадзілі п’яных беларусаў з дзецьмі і аднаго грамадзяніна Летувы, пасьля чаго самалёт дазаправілі, і ён вылецеў у Алікантэ.

Хартыя’97/нг