Беларусь у лідэрах па росьце курсу даляра

З пачатку году курс даляра да беларускага рубля павялічыўся на 28% (з 11.850 да 15.221). Гэта трэці паказчык на тэрыторыі былога Савецкага Саюзу.

Тройку лідараў узначальвае Ўкраіна з 37% ды Азэрбайджан з 33%.

У сваю чаргу Беларусь апярэдзіла такія краіны, як Туркмэністан - дзе рост курсу склаў 22,8%, Грузію (22), Узбэкістан (6%) Казахстан (2,8%).

У тройку лідэраў па тэмпах росту курсу Беларусь уваходзіць ужо трэці год. У 2014 годзе краіна таксама заняла трэцяе месца сярод краін былога СССР, а ў 2013-м - была другою. Першае месца краіна мела ў 2011.

Паводле tut.by/Белапан/юл