Прагноз надвор'я

У суботу ў Беларусі будзе халаднавата і дажджліва. Днём чакаецца ня больш за 22 градусы цяпла.

У бліжэйшыя суткі ў краіне будзе воблачна з праясьненьнямі. На большай частцы дзяржавы пройдуць кароткачасовыя дажджы, месцамі магчымыя навальніцы. Вецер заходні, паўночна-заходні, 5-10 м/с з парывамі да 14 м/с, у некаторых раёнах – да 15-20 м/с.

Тэмпэратура паветра ўначы складзе плюс 8-14 градусаў. Днём будзе ад 16 да 22 градусаў цяпла.

БелТА/нг