Беларусь на 50-м месцы ў сусьветным рэйтынгу вяршэнства закону

Беларусь заняла 50-е месца ў рэйтынгу вяршэнства закону (The Rule of Law Index 2015), прадстаўленым Міжнароднай няўрадавай арганізацыяй World Justice Project, паведамляецца на сайце арганізацыі.

Рэйтынг вяршэнства закону асноўваецца на ацэнках экспэртаў, а таксама апытаньнях грамадзкай думкі ў 102 краінах сьвету. Складальнікі рэйтынгу бяруць пад увагу такія ключавыя паказьнікі, як адсутнасьць карупцыі, парадак і бясьпека, абмежаваньне паўнамоцтваў інстытутаў улады, празрыстасьць інстытутаў улады, абарона асноўных правоў, выкананьне законаў, грамадзянскае правасудзьдзе, крымінальнае правасудзьдзе.

Згодна з данымі 2015 году, Беларусь у рэйтынгу вяршэнства закона знаходзіцца на 50-м месцы. Пры гэтым Казахстан займае 65-е месца, Малдова - 69-е, Украіна - 70-е, Кыргызстан - 74-е, Расея - 75-е, Узбэкістан - 81-е.

Лідарамі рэйтынгу сталі Данія, Нарвэгія, Швэцыя, Фінляндыя і Нідэрлянды.

эб/belta.by