Чарговая гадавіна знікнення Юрыя Захаранкі

У гадавіну зьнікненьня Юрыя Захаранкі ў Менску адбыўся паказ фільму «Банда».

Сёньня на сядзібе БНФ прайшоў паказ дакумэнтальнага фільму, створанага пры садзеяньні Беларускага дакумэнталістычнага цэнтру. Фільм прысьвечаны праблеме рассьледаваньня зьнікненьняў вядомых беларускіх апазыцыянераў.

Шэраг гучных злачынстваў пачаўся са зьнікненьня 7 траўня 1999 году былога міністра ўнутраных спраў Юрыя Захаранкі, за якім праз год зьніклі былы старшыня Цэнтрвыбаркаму, віцэ-прэм’ер і дэпутат парлямэнту Віктар Ганчар, бізнэсовец Анатоль Красоўскі, журналіст Дзьмітры Завадзкі.

эб/ racyja.com