У Рэчыцы праходзіць выстава плякатаў супраць сьмяротнага пакараньня

У памяшканьні Рэчыцкага грамадзка-палітычнага цэнтру працягвае працу выстава «Шэсьць аргумэнтаў супраць сьмяротнага пакараньня», куды яна пераехала апошнім часам з Гомеля. Экспазыцыя зьмяшчае плякаты з фондаў Сусьветнай кааліцыі супраць сьмяротнага пакараньня й мастака Алега Аблажэя. У працоўны час кожны жадаючы можа наведаць выставу.

Выстава плякатаў супраць сьмяротнага пакараньня дастаткова актуальная ў звязку з вынесеным 18 сакавіка сьмяротным прысудам жыхару Рэчыцы Сяргею Іванову.

Выстава ладзіцца ў межах кампаніі “Праваабаронцы супраць сьмяротнага пакараньня” й ўжо прайшла ў Менску, Магілёве, Гомеле.

Вясна/ав