Залаты запас Беларусі расьце

Залаты запас Нацыянальнага банку Беларусі ў 2014 годзе вырас на 1,5 тоны і на 1 студзеня 2015 года склаў 36,5 тоны, сьведчаць зьвесткі галоўнага банку краіны.

За першае паўгодзьдзе 2014 году аб'ём залатога запасу не зьмяніўся і па стане на 1 ліпеня заставаўся роўны 35 тонам. Такім чынам, рост зафіксаваны паводле вынікаў другога паўгодзьдзя.

За 2013 год залаты запас вырас на 1,7 тоны. За 2012 год — у эквіваленце на 1,6 тоны.

Залаты запас Нацыянальнага банку Беларусі падлічваецца ў тонах і ўключае золата (пераважная доля), а таксама серабро, плаціну і паладый.

эб/ БелаПАН