На "Полацк-Шкловалакне" здарылася ўцечка расплаўленай шкламасы

14 студзеня ў 19.30 у цэнтaр апэратыўнага кіраваньня Полацкага падразьдзяленьня МНС паступіла паведамленьне пра ўцечку шкламасы зь печы цэха ААТ "Полацк-Шкловалакно", паведаміла прэс-служба МНС.

Калі да месца выкліку прыбылі ратавальнікі-пажарныя, з-пад устаноўкі назіралася ўцечка расплаўленай шкламасы ў спэцыяльны прыёмны басэйн. Плошча "зьбеглай" масы складала каля 10 кв. м.

У печы адбывалася варэньне спэцыяльнага шкла пры тэмпэратуры 1.500 градусаў з далейшым атрыманьнем тэкстыльнага шкловалакна.

Пацярпелых няма, разьліў адбыўся па-за рабочай зонай абслуговага пэрсаналу.

Ратавальнікі-пажарныя падалі ствалы на ахалоджваньне шкламасы, а шклавары спынілі падачу газу ў печ.

Спыненьне печы на тэхналягічны працэс вытворчасьці не паўплывала, праводзіцца яе рамонт. Прычыны здарэньня высьвятляюцца.

эб/ БелаПАН