Беларусь будзе шукаць нафту ў Эквадоры

Пасол Беларусі ў Эквадоры Ігар Палуян сустрэўся зь міністрам неаднаўляльных прыродных рэсурсаў Эквадора Пэдра Мэрысальдэ, зь якім абмеркаваў узаемадзеяньне ў нафтавай галіне, паведамілі ў прэс-службе МЗС Беларусі.

„Бакі адзначылі пасьпяховае ўзаемадзеяньне ў сфэры рэалізацыі сумесных праектаў па сейсмаразьведцы з удзелам кампаніі „Беларуснафта", пацьвердзілі ўзаемную зацікаўленасьць у пашырэньні ўзаемавыгаднага супрацоўніцтва ў галіне разьведкі й здабычы нафты ў Эквадоры”, - растлумачылі ў МЗС.

Акрамя таго, адбыўся абмен думкамі па пытаньнях супрацоўніцтва ў энэргетычнай сфэры, уключаючы магчымасьць паставак у Эквадор рознага абсталяваньня й тэхнікі беларускай вытворчасьці, а таксама прадастаўленьня будаўнічых паслуг.

belta.by/аз