Андрэй Раўкоў - новы міністр абароны Беларусі

Адпаведны ўказ падпісаны Аляксандрам Лукашэнкам, паведамляе дзяржаўнае агенцтва БелТА.

Да прызначэньня на пасаду міністра Раўкоў быў камандуючым войскамі Паўночна-заходняга апэратыўнага камандаваньня.

Андрэй Раўкоў зьмяніў на пасадзе міністра абароны генэрал-лейтэнанта Юрыя Жадобіна, які 25 лістапада ўказам прэзыдэнта быў вызвалены ад пасады і звольнены з ваеннай службы ў запас па ўзросьце. Мінабароны Жадобін узначальваў на працягу 5 гадоў.

Андрэй Раўкоў нарадзіўся 25 чэрвеня 1967 года ў вёсцы Равякі Бешанковіцкага раёна Віцебскай вобласьці.

У 1988 годзе скончыў з залатым медалём Маскоўскае вышэйшае агульнавайсковае каманднае вучылішча. У наступныя гады прайшоў шлях ад камандзіра ўзвода да камандзіра батальёна.

яс/БелаПАН