На запраўках па-беларуску

У Інтэрнэце паявіліся чуткі, што запраўкі А-100 перавядуць на беларускую мову. Супрацоўнікі станцый распавялі, што да іх прыяжджалі прадстаўнікі курсаў “Мова нанова”.

Кіраўніца ўпраўленьня маркетынгу кампаній “А-100 АЗС” Ніна Ніканорава адмовілася даваць камэнтары: “Мы вельмі шануем беларускую мову, таму рэалізуем унутраны праект: аднаўленьне ведаў па мове сярод супрацоўнікаў. Якім чынам і ці будзе працяг праекту, камэнтароў даць ня можам”.

Паводле словаў супрацоўнікаў, курсы ёсьць, ужо праходзілі першыя заняткі. Але ўсе трактуюць іх як нешта забаўляльнае, паколькі супрацоўнікі вельмі саромеюцца размаўляць па-беларуску. Яны кажуць, што вучылі мову ў школе, але яе ня ведаюць.

У Беларусі больш за 30 заправак А-100. Асноўная вэрсія сайту кампаніі зроблена на беларускай мове.

Паводле Радыё Свабода/нг