Берасьце: беларуска-польскія спаборніцтвы пажарнікаў

Беларуска-польскія спаборніцтвы пажарных каманд адбыліся ў Берасьці. Агулам у мерапрыемстве прыняло ўдзел больш за сотню маладых хлопцаў і дзяўчат. На першым месцы апынулісь беларускія ўдзельнікі, на другім – польскія.

Кіраўнік польскай моладзевай каманды пажарнай з школы ў Сворах Моніка Кірылюк адзначыла, што прыезд у Беларусь – гэта новы досьвед.

Моніка Кірылюк: Я ўспрымаю гэтую паездку, як узнагароду для дзяўчат, каб яны маглі прыехаць і прадстаўляць нашу гміну.

Асноўнымі ініцыятарамі правядзеньня такога спаборніцтва выступілі прадстаўнікі грамадзкага аб’яднаньня „Дабраахвотныя пажарныя’’ зь Берасьця сумесна зь мясцовымі ўладамі.

Яны выказалі спадзяваньне, што гэта – толькі першы крок да арганізацыі сур’ёзных спартыўных пажарных спаборніцтваў у Беларусі ў міжнародным складзе.

racyja.com/аз