Сёньня ў праваслаўных Пакроў

14 кастрычніка беларускія праваслаўныя сьвяткуюць Пакроў Найсьвяцейшай Багародзіцы.

Пакроў ушаноўваюць толькі хрысьціяне ўсходняй традыцыі й пераважна на ўсходнеславянскіх землях.

Каталікі лацінскага абраду гэтага сьвята ў сваім календары ня маюць. Грэкі перасталі яго сьвяткаваць у XV стагодзьдзі.

Да ўсталяваньня сьвята спрычынілася зьяўленьне ў 910 годзе Багародзіцы сьвятому Андрэю дзеля Хрыста бажавольнаму ва Ўлахернскім храме Найсьвяцейшай Багародзіцы ў Канстантынопалі.

Падчас малебна за ўратаваньне сталіцы Бізантыі ад паганаў, якія аблажылі горад, сьвяты Андрэй і ягоны вучань Эпіфан убачылі Дзеву Марыю, якая разгарнула над вернікамі белую хустку (амафор). Заступніцтва дапамагло - ворагі адступілі.

Пакроў-амафор стаўся сымбалям заступніцтва й апекі Божай Маці над людзьмі.

nn.by/аз