Памёр Пётар Марцаў

На 53-м годзе жыцьця памёр выдавец незалежнай прэсы Пётар Марцаў. Пра гэта паведамілі ягоныя сябры ў сацыяльных сетках.

«Пётар Марцаў памёр гадзіну таму ў шпіталі, не прыйшоўшы ў прытомнасьць. Востры лейкоз», — патлумачыў мастак Уладзімір Цэсьлер сайту charter97.org.

Марцаў быў журналістам і выдаўцом незалежнай прэсы. Скончыў філялягічны факультэт БДУ. Быў вымушаны звольніцца з пасады старэйшага рэдактара БелТА пасьля ўдзелу ў мітынгу ў Курапатах.

Выдаваў газэту «Белорусская деловая газета», тыднёвік «Имя». У сакавіку 2006 г. выхад выданьня быў спынены ў сувязі з забаронай на яго друк у беларускіх друкарнях і распаўсюд празь «Белпошту» і «Белсаюздрук».

Прадусар і адзін з аўтараў сцэнару дакумэнтальнага фільму «Звычайны прэзыдэнт» пра Аляксандра Лукашэнку.

Хартыя'97/нг