У Беларусі зьявіўся новы конкурс для фатографаў

Запушчаны новы рэспубліканскі творчы фотаконкурс „Фота Беларусі”. Аб гэтым паведамілі ў Міністэрстве інфармацыі.

Асноўныя мэты й задачы творчых спаборніцтваў - паказ гісторыі й сучаснасьці Беларусі, садзейнічаньне выхаваньню патрыятызму, грамадзянскасьці, сьцьвярджэньню ў грамадзтве высокіх маральных і эстэтычных ідэалаў, духоўна-маральных каштоўнасьцей беларускага народа, прапаганда з дапамогай фотамастацтва дасягненьняў краіны.

Прыняць удзел у конкурсе могуць як прафэсійныя фатографы, так і аматары. Прыём заявак пачнецца з 30 верасьня.

Вынікі будуць падведзены ў траўні 2015 году. Узнагароджаньне пераможцаў пройдзе на спэцыяльна арганізаванай цырымоніі. Пасьля плянуецца арганізаваць фотавыстаўку й выпусьціць альбом з работамі пераможцаў і ляўрэатаў.

Арганізатары - Міністэрства інфармацыі Беларусі, Беларускае грамадзкае аб'яднаньне „Фотамастацтва”, Беларускі саюз журналістаў.

БелТА/nn.by/аз